آنامین ساغلمیان دردی نین داوا درمانی پولو گوره سن...............................
بو حکایه قیرخ بئش ایل بوندان قاباق ایتفاقلاردیرکی بیزیم یاشایشیمیزدا باش وئرمیشدی آتا مین
آتاسی تز دونیاسینی دئشیدیگینه گوره چتینلیکلرینن بویا باشا چاتان آتام. آنام لا حایات قوراندا
قارداشینان اوزه اوزه گلمه ین قورخوسونان ائودن چیخمیشدی .بونون اونون قولتوغونا سیخیلمییا
دیین آتام کندین بیجاغیندا کوما دوزلتمیشدی دییه گوله عومورسورسونلرنچه ایل ائولنن سونرا
اوشاقلاری اولمیان آتا آنام چوخلو نذیر نیازدان سونرا منن بویوک باجیم اگیز دوغولموشدوق. بیر
ایل بیزدا سونرا ایکینجی باجیمدا دونیایا گلمیشدی آتاملا آنام عومورلری نین یاز چیچکلرینن کام
آلاراق بیزیمله اولماقلارین بال شربتینه قاتیب حاللی باللی یاشایردیلار آنامین گوزلیگی ادب
ارکانی ائل ایچینده لیلی حکایه سینه دونموشدی بوتون ائل طایفا آنامین گوزلیگینین سالقا سر
انجامی نین حسبند چکیردی آنام دونیانین بوتون چتین لیک لرین منن باجیلاریمین گوزونده
اونوتموشدی کندین اعجاز کار طبیعتی آنامین لای لاسیندا بایاتیلاریندا منیم قولاقیما مین بیر گئجه
حکایه کیمین گلیردی آتام بوینومو قوجاقلییب بوییومو اوخشیاندا ائل بیلیردیم شاه جیقاسین باشیما
تاخیردی یاشایشین شیرین لیگی ائله گوزموزی توتموشدی کی داغ دره نی سیل ده آپارسیدی ویر
وایمیزا گلمیردی عایله میزین کاسیب اولماقین آنام دئمیشکن شیرین بالالارین گلجک اوغورنو بال
شربتینه قاتیب اومودله یاشایردیلار اما بو شیرین لیگین عوموری آز اولاندا یاشایمیز دنیزه
چونموش گمی کیمین تاخدا پارایا چئوریلمیشدی تر بیداق اوسده آچان قیزیل گول کیمین آنامین قیب
قیرمیزی یاناقلارینین رنگی گونن گونه سارالیردی آتام یای یازی اوزگئی چین بیچین بیچیب
پاییزینان قیشیدا دهنز قیراغیندا تورچولوق ائلردی-بیر ایل توری یغیشیدیریب ائوه گلنده یاز فصلی
نین چیچکلری آچان واقتدا آنامین یاناقلارین پاییز خزلینه دونوردی چوخ واقتدا داغ دوزمولو
آتامین گیزلین گیزلین آغلاماقی منیده سازین قوپوزون غم پرده سینه کوکلییردی چونکه من بیلیردیم
آتامین نه ائله پولی وار حیات یولداشین یرینه یتیریب داوا درمان ائله سین نه ده گوزونون قاباغیندا
اوچ بالاسی نین نازین چکن حیات یولداشینان گونن گونه داغ بوزی کیمین اریمه سین سیغیشدیرا
بیلیردی اوزاقدان یوخونان گلننر آناما دیلدارلیق وئریب آتامی قینییردیلار کی تورکه داواینان
اولماز باشی سوئولوق ائلمه الله دردوئریب درمان دا وئریب اوشاقلاروین آناسین آپار یرینه یتیر
قوی داوا درمان اولسون گلنلر دوز دئیردیلر اما بیر سوزی بیلمیردیلر کی آتامین نه پول واریدی
نه ده دالیندا دورانی گونوزلر ایشه گئدن آتام گئجه گلیب اوش دنه اوشاغین خوره ین پیشیریب
پال پالتارین یوئاردی گون به گون اولوم توزی باشینا قونان آنامین بایاتیلاردا داها کسکین
اولموشدی هردن خلوت ائلینده الیمی الینین ایچینه آلیب کدرلی نیسگیللی بایاتیلارین اوخوردی
آتام بچارا قوش بالاسی ایلان زاوالینا گلن کیمین بیرا اوراجان آتیردی کی بلکه بیر اللی آتمیش
تومن تاپیب آنامی شهره باش بیلن یانینا آپارسین اما نه پول تاپا بیلیردی نده کی دالیا یانیندا بیر
زاد واریدی ساتیب ایشین یردن گوتورسون آنامین دردی گئد گئده چتین لشن کیمین ائل طایفادان
سونرا دوره بر قوهوم قونشودا حالیمیزا یانیب هره سی بیر یول گوسترریدیلر بیری آتاما اوز
توتوب دئیردی کتاب باشی آچدیرالله قویسا توخدار بیردئیردی قوربان نذر ائله بیری دئیردی یوخ
مچیده منبره یخینتی دوش دوزلر اینشاله بیریده دئیردیمیرعابباس ایمامزادیسنا آپارسا اوردا
شافاسین آلار میر عابباس ایمام زاد بیزیم دوره برده خالقین اینانج یرینه دونموشدی آخی بیلیرسیز
نیا چونکه هر کسین نه دردی اولسیدی پولدان زاتدان آپاریب اورا یخنتی دوشونده حاجتین
آلاردی بوسوزمنیم اوریمده بیر داش دویونه دونموشدی فیکیرلشیردیم اگرپولوم اولسا گئدم
میرعابباس ایمامزاداسینان آنامین شافاسین آلام اما بوش یره اولچدوگوم یردن نه ائو چیخیردی نه
ده ائوجیک اونا گوره کی پولوم یوخدی گونلرین بیر گون یوخون کدده یاشییان آتامین دده بیر ننه
بیر باجیسی بی بیم آنامی ائشیدیب گلمیشدی گئجه شامی یینده منی آلدی دیزینین اوسدونه اوز
توتد ی آتاماکی آی قارداش ددمین ائوین یخما آپار گلینی یرین یتیر قوی توخداسین اما بو سوزی
دی یه دی یه قولتوق جیبینن بیر اللی تومن لیک چیخاریب یاواججالی هیچ کیم گورمه سین قویدی
آنامین دوشه ینین آلتینا گئجه آرایا گلن کیمین گوزلریمه سوغان دوغراییب اوز اوزومه فیکیرله
شیردیم کشگه او پولو من گوتوروب میر عابباس ایمازاداسینا گئده بیلدیم صوب آچیلاندا قوناقلار
حالالاشیب ائولرین گئدن واقتدا آتامدا اوز ایشینه گوجونه گئدمیشدی من گوزه گوزه دوشه ین
آلتینان پولو گوتوردوم تک باشینا ایمامزادیا ساری پول الیمده یتشیب آغلیا آغلیا توربه نین در
دووارینا اوزومو سورتوردوم کی آنامین شافاسین وئرسین گئدیب گلدیگیم سفر منی بیر
عومورلوک آنا اوزونه حسرت قویموشدی ائوه گلنده گوردوم آنام حیاتین دئشیب او اولدوکی
بوتون ائل فامیل یغیشیب گلدیلر قیرخ گون قیرخ گئجه یاس ساخلادیقیمیزائوائشیک گوزومده
قارانلیق کوئوله آروادلار یغیشیب قبیر اوسده آغلیاندامنده مزارین قوجاقلییب آنامین منه اورگه
دیگی بایاتیلارینان اوخشاییب آغلاییردیم اما بو قارا یازیدان سونرا آتامین حال باحالی اولماقی
منی شککه سالمیشدی بیر گون منی چاغیردی یانینا الین باشیما قویوب دئدی بیر سوز
سوروشورام دوزن دءیسن .باجیم وئرن پولو سن گوتوردون اوزومو آناسیز اومودسوز گورن
کیمین آتامین گوزلرینه باخیب دولا دولا دئدیم یوخ آتا من گوتورمه میشم ایندی کی عومور
پاییزیمین اللی سینی یاشیرام هله ده گوزوم او اللی تومن پولون دالیجا قالمیش کیم آنامین
ساغالمیان دردینین داوا درمان پولوسی گورسن میر عابباس ایمازادیسیندا کیم لر قیسمت اولدی