تاپیلان مکتوب.............

هر عایله نین اوزونه مخصوص کئچیردیکلری آجیلی شیریننی خاطیره لری اولدوقلا اونونلا یاشامالی اولورلار؛بیزیم عایله ده اجتماعیتین بیر پارچاسی اولاراق ایلکن خاطیره لری یارادیب و اونلارینان یاشایردیق؛عایله داخیلی گوزومو آچان نان آتامین ملاحتلی سسه مالیک اولدوغونو دویاراق علاوه دن اوخوماغینی طلب ائله ییردیم؛گاهدان آتام دیل دوداق آراسی (آی بولاق باشیندا ساچین هورن قیز)ماهینیسی اوخویاندا آنامین آلتدان آلتدان اونا قوشولوب سس وئرمه سینی گؤرردیم؛ائشیتدیگیمه گوره آتام اوز تویونا اینداک(دعوت) اولونان عاشیقلارا قوشولوب مجلیسی آپارماغینان گلن قوناقلاردا خوش تاثوراتدار یاراتمالی اولموشدور؛حیات یولداشینی الدن وئرن آتام باجی قارداشلاریما باخیب آنا بوشلوغونو دولدورماق ایسته ییرک یئنه ده اوزونو گومراه آپارماق ایسته ییردی؛امما نه دئمک کی هئچ کیمسه آنا یئرینی دولدورا بیلمز دئییه ایکینجی دونه حیات قورماغی اوشاقلارینا روا بیلمه دن تک باشینا یاشامالی اولموشدور؛آللی نئچه یاشلی آنامی الدن وئرن آتام اونون خوش خاطیره لرینن یاشاماغا اوستون نوک وئره رک بیر دونه حیات قورماقدان واز کئچمه لی اولوردو؛باجی و قارداشلاریما بیرگه تئز تئز آتا اوجاغینا ییغیشیب نئجه وارسان سوزونو سالاندا سارانیسی سئل آپاران کیمین دوواردان آسیلی شکیله باخیب اوز آجی طالئعینن باریشماق ایسته ییردی؛یاخودزامان گئدیشاتیندا بیر یئره ییغیشیب اوخوماغینی طلب ائله ینده یازیق کیشی نین گوزلری دولوب سانکی یاتمیش حیس لرینی اویاتمالی اولوردوق؛من عایله نین بویوگو یوخ بلکه سیرتیق اوشاغی اولاراق سکسن(هشتاد)یاشلی آتامین نه گیزلی دردی اولدوغونو سوروشوب بیلمک ایسته ییردیم؛امما هر دونه بوینون قوجاقلاییب کئچمیش خاطیره لرینن سوروشاندا کسه دانیشیب سوزون اوستون نن کئچمه لی اولوردو؛زامان بیزیمله ترس اوینایان کیمین عومورونده حکیم داوا درمانینی یئمه یین آتامدا خسته له نیب الیمیزدن گئتمه لی اولدو؛آتام حیاتینی ایتیرن نن بیر نئچه آی سونرا اوشاقلارین بیری شخصی وسایلی نین ایچین نن واقدیکان آناما یازدیغی بیرمکتوبو گوتوروب منه چاتدیرمالی اولدو؛سئوگی اوسته بیتیلمیش(یازی) مکتوبو آلیب اوخویان نان سونرا آتا آنامین بیربیرلرینه باغلیقلارینی باشا دوشمه لی اولدوم؛آخی بیلیرسیز آتام حیات یولداشینی الدن وئرن نن سونرا بیر آغیزدا اولسا اوخمامیشدیر؛تاپیلان کاغیذین متنینی اوخویان نان سونرا باشا دوشدوم کو(آی بولاق باشیندا ساچین هورن قیز)آنام اوزو اولموشدور؛سانکی آتامین خوش سسینه وورولان آنام بیر گونه سه یینگینی گوتوروب بولاغا گئدرکن اورادا قولاج ساچلارینی یویوب داراماغینان مشغول اولور؛اوزاقدان اوزاغا صحنه نی گورن آتام بیر دونه الینی قولاغینا قویوب اوخوماق آراسی منده سنی سئویرم دئییه داها سونرالار حیات قورمالی اولموشدورلار............

هارا گئده سن؟...........

هممشه اولدوغو کیمین او گئجه ده هاممی دان قاباق مچیده گلیب موعتبر ددده ددلیگیم شیخ آغانین موهور نامازینی راهلامالی اولدوم؛گئت گئده هممشه در صحنه کتدیلریمیز ییغیشیب بیرریکده جاماهات نامازی قیلماق ایسته دیک؛هاچان نان هاچانا قاپیدا فیسلتی گلن کیمین بیر اوندا گوردوم ترس آوا کندینین باش ماللاسی شیخ آغا تشریف بویوردو؛دده ددلیگیمین اوستو باشینی وراندازلایاندا کفن گئیدیگینی گوروب میکروفون قارشسیندا شاشاراق قالدیم؛قضبلی نظره گلن شیخ آغا بیر باشا سجاده یه یورویوب آخشام نامازینی قیلماغا باشلادیق؛ناماز آراسی منیم اللاه اکبر چکیب مرگ بر زوربالیق مرگ بر اؤرت باسدیر دئمه لریمه جاواب وئرن کتدیلرده پیش نامازیمیزین کفن گئییب مچیده گلمه سینه چاش قالمیشدیرلار؛ناماز قورتاران کیمین موعتبر شیخ آغا الینده گتدیگی چلیگی گوتوروب بیر دونه استکباری آمئرکانی و ایزراییلی هده له ییرک فیلسطین حاماس قارداشلارینا دستک وئرمه گیمیزی طلب ائله دی؛شیخ آغامیزین آتشین چیخشیلارینا موثبت رییاکسییا وئرن ترس آوا جاماهاتی بیله می جوشقولاندیران کیمین ایزراییل دوشمانیمیز و حاماس قارداشیمیز شوعالارینی سسلندیرمه لی اولدوم؛من او گئجه شیخ آغانین و مومن کتدریلریمیزین غزه مسله سینه موثبت یاناشمالارینی گورنده اوزو اوزومه دئدیم یاخشی اولارکی صاباحدان قلم دفتر گوتوروب غزه قارشی دورمالارین قاتیلماق ایسته ین نرین و گئتمه گه امکانی اولماییب پول پارا وئرن نرینده آددارینی سیاهی یا آلیم؛او گونون صاباحیسی بیر باشدان قاپی قاپی گزیب چراغعلی -اوجاغعلی - قازاقعلی دن توتموش اللی نفریک سیاهی توتمالی اولدوم؛آددارینی یازاندا شخصاَ آفدامات گوتوروب قارشی دورمایا گئتمکلرینی سویله مه لی اولدولار؛ قاتیلا بیلمه یین نردن خئیلک پول پارا آلیب آددارینی یازمالی اولدوم؛سوندا آغزی آلؤولو دده ددلیگیمه موراجیعه ائله ییب ییغدیغیم پول پارانی اتگینه توگنده دئدیم کاروان دوزولوب سیزین باشجیلیق ائله مه نیزی گوزله ییرلر؛بویورون کاروانا باشجیلیق ائله یین؛ایلکن اتگینه توکدوگوم پول پارا گوزلرینی توتسادا سیر صیفتینی ساللایب دئدی من تکجه مادی یاردیم ائله ییب شخصاَ قاتیلان کیمسه حاققیندا دوعا ائله یه بیلرم؛گئیدیگی کفنی خاطیرلایاراق بیر دونه دئدیم هئچ اولماسا ایذن وئره سینیز من اولمه رم اولدوررم دئیین نره باشچیلیق ائله ییم؛سوزوم قورتارمامیش گوزلرینی اوستومه برلده رک های باسدی کی.............

سورگون اوروج..............

بیرینجی صینیفه گئدنده یاشیدتاییم اوروجون جان ائوینی ایت قاپمیشدی؛چوخلو تورکه داوا ائله ین نن سونرا یاراسی یاخیشلاشمیشدیر؛اوروجون جان ائوی داوا درمان اوجوباتین نان یاخشی لاشسایدیدا صینیف یولداشلاری اونا ساتاشاراق دئییردیرلر سن گنج له شیب حیات قورسان اوشاغین اولمایاجاقدیر؛یولداشلار آراسی بو دِء قؤدولارا قولاق آسان اوروج اوزوده اینانمیشدی کی آرواد آلسا اوشاغی اولمایاجاقدیر؛یولداشلاری بیرگه بویا باشا چاتان اوروج عسگرریگینی بیتیررک علاوه دن گونده لیک حیاتینا قایدیب اوزاق کتدرین بیرین نن ائولنمه لی اولدو؛حیات یولداشینان بیر دام آلتیندا یاشایان اوروج اوزونو کولا کوسا ووروب عایله ماییشینی گتیرسئیدیده حیات یولداشینین اوشاغا قالماغینا اینانمیردی؛نه دئمک کی ایل یاریم ائولی اولان نان سونرا حیات یولداشی اوشاغا قالیر؛دیشین دیشینه قیسیب آروادین دوغوم گونونو گوزله یین اوروج نهایت بیرجه دنه اوغلو دونیایا گلیر؛اوغلانین اوزونه عاید اولماماغیینا شکشه لی اولان اوروج دیشین دیشینه قیسیب اوغلونون دیل آچما گون نرینی گؤزله مه لی اولور؛ آیلار ایللر اوتدوگجه اوغلانجیغازدا بویویوب دیل آچان واقتلاریندا حیات یولداشی اون نان فارسی دیلینده دانیشماغینی گوره رک یقین ائله ییر کی دوغولان اوشاغی اوزونون کو دئییل؛یاشایشی اوزونه دار ائله ییرک تانرینین وئرن گونو آروادینان دالاشیب جوجوغونو آناسین نان آییرمالی اولور؛دفعه لرله بئییتده شیب آروادی ائودن چیخارداراق قونوم قونشو دخالتینن باریشیب بیر دونه گونده لیک حیاتدارینا قاییتمالی اولورلار؛اوروجون قلبی قارالیغی آروادی جانا گتیرن کیمین نهایت محکمه یه موراجیعه ائله ییرک بوشانماغینی طلب ائله ییر؛محکمه باشجیسی موضوعونو آراشدیریب بیلن نن سونرا ار آروادی یانینا چاغیرمالی اولور؛ایلک دیندیریلمه ده آرواد دانیشیب سوزونو قورتاراراق سون دا محکمه باشجیسی اوزونو اوروج کیشی یه سوروشاندا کی نه دن آرواد اوشاغینا شوپبه له نیسن؛اوروج کیشی الین قالدیریب ایاغا دوراندا اوجا سسینن دئییر آی قاضی اوغلان منیم اولسا بو آرواد اونونلا فارس دیلینده دانیشماز؛کیشی نین بو سوزون نن قضبله نن حاکیم اونو سمنان دا بولگه سی دئییه سورگون اولونماغینا قرار وئرمه لی اولور؛محکمه باشجیسی قرار وئرن نن سونرا اوروج کیشی سمنان یاخین نیغیندا اولان شوران نیق کتدرین بیرینه گونده ریلیب اورادا سورگون حیاتی یاشامالی اولور؛عومورونون چوخ حیصه سینی آدی گئدن کتده سوروگون یاشاماغینا باخمایاراق یئرری جاماهاتینان اویوشوب اونسییت قورمالی اولور؛سونونکو ایللر ایسلامی حکومتیمیزین تاپشیریغینان یئنی اوشاق گتیرن کند جاماهاتینا یاردیم ائله ییرک جوجوق باشینا 200000تومن وئرن مامور فارس جمعیت آرتیمی نی نظره آلاراق پوللاری یئنی جوجوق گتیرن عایله باشجی لاری نین یوخ سورگون اوروجون حئسابینا توکمه لی اولور؛کند جاماهاتی بو ایشه اعتراض ائله ینده دویلت مامورو اوزونو کند آدامینا توتوب یئنی دوغولان اوشاقلارین سورگون اوروجا عاید اولدوقلارینی دیلینه گتیرنده بو یان نان اوروج کیشی ایکی اللی باشینا ووراراق اوجا سسینن دئییر......................

پیر آغاجی..............

یای یاز گون نری دئییه یئری گلمیشکن آنام الیمنن توتوب کندیمیزدن ایراق دا یئرره شن پیرآغاجی زیارتینه گئتمه لی اولوردوق؛یادیمدادیر آنام پیرآغاجینا یاخین ناشاندا یاشماق توتاراق الین دوشونه قویوب اونا آلقیش آلقیش دئییه یاخین ناش مالی اولوردو؛آنا بالا هر دونه پیرآغاجی زیاراتینا گئدنده آنام بیر جاننی انسان کیمین اونونلا دردده شیب گتیردی اسگی پارلاری خول بوداغیندا باغلامالی اولوردو؛هله قالسین آتام یئری گلمیشکن اونون قارشسیندا بوینوزلو قوچ کسیب قوربان قانیدیر دئییه قانینی آلینما یاخمالی اولوردو؛بیزیم کندین پیرآغاجی سی هم یئرریلریمیزین اینانج یئرینه دونن کیمین اوزاقدان باخاندا قیزیل قات کالایی اورتموش گلین کیمین نظره گلردی؛یادیمدادیر یئنی یئتمه یولداشلاریم نان مال قارا اوتارماق آدینا کویشه نه گئدیب پیرآغاجینین دیبینه باسدیریلان یئری ائشیب بیر قیران اون شایی پوللاری گوتورمه لی اولاردیق؛هرندن اونم نیسی اودور کو محرم عزا گون نری ماخلوق اورایا دسته آپاریب کربلا شهید درینی بهانه ائله ییرک بیر ایلین ایچینده الدن وئردیکلری یاخین نارینا آغلامالی اولاردیرلار؛بوتویلوکده کند جاماهاتی نین پیرآغاجینا اولان ایستی موناسیبت درینه باخمایاراق بیزیم عایله نین اوزل لیک له آنامین آدی گئدن پیره آغاجینا آییریجا حورمت بسله مه گینی گوره ردم؛یادیمدادیر بیر دونه پیرآغاجینی زیارت ائله ییب قایداندا آنامین ایستی الینی سیخاراق سوروشدوم سن ندن بیر بئله پیرآغاجینا موراجیعه ائله ییرک اونونلا دانیشمالی اولورسان؛اورتا یاش آنام اوخاریدان آشاغی باخاراق دئدی من آتانلا ائوله نن سونرا نئچه ایل اوجاغیمیز کور اولان کیمین اوشاغیمیز اولمامیشدیر؛چوخلو تورکه داوا ائله ییرک یئنه ده اوشاغیمیز اولماییب آتان نان آیریلماق قرارینا گلنده سون آیریلاجاق یئریمیزده ایلکن گوروشدوگوموز پیرآغاجی ایاغیندا قویمالی اولدوق؛آخی بیلیرسن بیزیم کند جاماهاتی آراسیندا عنعنه اولاراق یئنی ائولنمک ایسته یین گنج لر پیرآغاجی ایاغیندا گوروشوب گله جک حیات پیلان ناری توکمه لی اولورلار؛نه ایسه آتان نان ایلک و سون گوروشوموز آدی گئدن پیرآغاجی نین ایاغیندا باش وئرمه لی اولموشدور؛ پیره آغاجینا تاپینیب آیریلامادان بیردونه ائو ائشیگیمیزه قایتمالی اولدوق؛امما سون قایدیش اوغورلا آلیناراق اوشاغا قالماغیمی دوشونوب ایش بیلن ماما ننه لره موراجیعیت ائله مه لی اولدوم؛ایش بیلن ماماننه لر اوشاغا قالدیغیمی تصلیق ییرک آتان پیر آغاجی زیلریتینه گلیب قوربان نار کسمه گینن گله جه گیمیزه اومود باغلامالی اولدوق؛واخت وعده باشا گلن کیمین حیاتیمیزا بیر اوغلان اوشاغی علاوه اولماغی نان آدینی سن بویدا پیر وئردی قویدوق................ _______________________________________ ایضاح:کؤکسل دانیشان(تورک) خالقلار آراسیندا پیرآغاجی-دیلک آغاجی؛عومورآغاجی-جیندیرری پیر-شام آغاجی؛قارقارا دئییه رک تات سویلو گیلکلر اونا آغا دار دئییرلر؛ اوخاریدا صادالادیغیم آددارینان تانینان آغاج تاریخاَ قوتسال سایلایاراق بوگونده (آرچه)و (آردوج)آدینان بیزلر اونو مقدس سانیریق؛اولسون کو نادر حاللاردا آردوج آغاجی نین یئرینه قارا کول و آییریجا آغاجلارین باشینا اسگی پارا باغلاماغینان اونودا حورمتله قارشیلاییرلار؛نه یازیق کی یوزه ایل کئچه رکدن مکتبلرده اوشاقلاریمیزا اجنبی دیلینی اورگه دن نر دده بابا اینانجلاریمیزا قارشی چیخاراق کت کویشن آرا بئله آغاجلارین اولدوغونو خرافه آدداندیریب اوز فارسلاشمیش اوشاقلاریمیزین الینن سیندیریلیب داغیدیلمالی اولورلار؛