سو وارلیغی..................

نه بیلیم کئچن ایللرده سیراوی چاپ ائله دیگیم تونقال کتابلارینین بیرینده گله جک نسله تاپشیریق اولاراق یازمیشدیم(یارانیشدا گولمک تکجه انسان نارین پایینا دوشورباجاردیغیزقدر گولون؛زامان آخاریندا باشا دوشدوم کو سو وارلیغی طبیعتده اولان اَن کؤورک عونصورلردن بیری اولاراق گوله بیلیر؛بویوک فیضولی نین دیلینجه دئسم

(بیمِ دوزخ نارِ غم سالمېش دلِ سوزانېمه

وار امیدیم ابرِ احسانېن سپه اۏل ناره سو)

سویون یوموشاق اوره گی و انسان نار کیمین کوسه گنیگی و گولومسه مگی واردیر؛اویناماغی و آجیق ائله مه گی واردیر؛تویو و یاسی واردیر؛ساغلاملیغی و خسته لیگی واردیر؛یورقونلوغو و چئویکلیگی واردیر ؛اولمه گی و دیریلمه گی واردیر؛سیز اگر بیر آخار بولاغین یانیندا چال چاغیر ائله سز اونون زئیرین نیگی دویا بیله جکسیز؛سیز یایین قیزمار گون نرینده قاینار بولاغین ایچینه ال سالسازکوسه رک اوزو سویوقلوق ائله ییجکدیر؛سیز اگر اونو سو شیرناقلارینان(شیلنگ) گویه بوراخساز اوینایاجاقدی؛سیز بایاز کئجه لرده اونو چورتونو پوزماساز گول گول یئره توکولوب اوزونوزه گوله جکدیر؛عکسینه اوز اینگیلتی لریزینن یوخوسوز قویسانیز گوللری تیکانا دونه جکدیز؛سیز اونو بولاندیرساز آجیق ائله یه رک دورولوغون ایتیره جکدیر؛اونو بولاندیرمادان آزاد بوراخساز جوشقون نوغونان آخاجاقدیر؛قاباغینی باغلاساز یاس توتاجاقدیر؛اونون یانیندا خوش سوزلر دانیشساز ساغلام قالاجاقدیر؛اونون یانیندا اولوب اولدورمه دن دئسز خسته له نجکدیر؛سیز اونولئحلندیرسز چوله بوراخساز یورقونلاشاجاقدیر؛سیز اونا دیمه دن اوز یولونا بوراخساز چئویکله شجکدیر؛بیز شخصی یاشایشمیزدا هر نه یین ساغلامینیغینی اونون ظاهیری گورونوشو و سسینن دویا بیلیریک؛آخار سولارین ساغلاملیق و یاخود خسته لیگیک لرینی آخدیقجا اونلارین سسلرین نن باشا دوشوروک؛سیز اگر بیر دگیرمانلیق سویا زهرلی ماده قاتیب بوراخسانیز او وحشی طبیعتده اولدوغو کیمین گور سسین نن آخمایاجاقدیر؛ سیز اگر دنیز دالغلارینان یاریش کئچرتمک ایسته سز او سیزی مغلوب ائله یجکدیر؛سیز اوکیان سولارینان توخداقلیقلا داوران ساز مینیک وئره جکدیر؛ سیز اگر بیر گوله داش آتساز آلدیغی ضربه نی چوله بوراخاجاق؛آخی اونلار دویغولو اولدوقلاریچین ساکیت یاشاماق ایسته ییرلر...............

ایکی باجاناق.................

کئچن هفته لر دئییه اورتا باجاناغیم دوکتور جئری نن صیاحته چیخمالی اولدوق؛اردبیل اَیلنجه یئرلرینی دولانیب قوتور سویونادا گیرمه لی اولدوق؛بیر هفته زاد دولانیب اَیله نن سونرا نهایت ائوه ائشیگیمیزه قایتماق ایسته دیک؛یول اوزونو ماشین ایری بوروق یول گئدنده لاپدان الیمی فرمانا آتیب دئدیم آی کیشی نه ائله ییرسن؛دوکتوربی اوزونه گلن کیمین دئدی نه اولاجاق بیله می یوخو توتور؛حئیرانی اننده دئدیم آغاجلار آراسی وور قیراغا چورتداییب علاوه دن یولوموزا داوام ائله ییک؛ایمان عزیزدی باجاناغیم منیم سوزومو یئره سالمادان قیراغا ووروب اورمان آغاجلاری آراسیندا اوزانمالی اولدوق؛نه قدر چورتداماغیمیزی بیلمه دن بیزی قابالیان مامورللارین سس کویونه اویانمالی اولدوق؛نئچه الی آفداتماتلی مامور باشیمیزین اوستونو کسن کیمین هده قورخو گلدیلر کی ندن بورادا یاتماسیز؛ایاغا دوراراق دئدیم قوربان یول اوزونو خسته اولدوغوموزدان بوردا چورتدادیق کی یولو اوزونو باشیمیزا قضا گلمه سین؛مامور باشچیسی سوزومه باخمادان بیله می گتیردیکلری ماشینا باسیب پولوس بولمه سینه گتیرمه لی اولدولار؛ایلکن گوزلریمیزی باغلاییب آییری آییری اوتاقلارا سالاندا اوز اوزومه دئدیم ایلاهی و رببیم نه گوناهین صاحابییق کی بیله میزی قارانلیق اوتاقلار سالیرلار؛موستنطیق گوزلریمی آچدیراراق دیندیرمه لرینده بیله می سورقو سووالا توتمالی اولدو؛ایلک سورقوسوندا دئیینده کی سیز ایکی نفرین نه نسبتیز واردیر؛دئدیم نه اولاجاق دوکتور بی منیم اورتا باجاناغیم دیر؛موستنطیق باجاناق سوزون نن سوبه له نن کیمین بیر دونه سوروشدو ندن یان بانا یاتمیشدیز؛دئدیم قوربان ایسلام قاونوندا ایکی باجاناغین یانا یانا یاتماقلاری گوناه سایلیر؛بیر دونه موستینطیق قضبله نرک دئدی شرع موققدسده یان یانا یاتماق جورم دئییل نه ایسه تزه لیکده باجاناقلار.......؛موستینطیق نه ایسه دئیینده شوبه له نن کیمین ال الیمی دالیما سورتوب دوکتورون اوزونه باخا باخا دئدیم اولمایا بیله می یوخویا وئریب..............

اؤگئی آنا................

بالاجا آیبانین آناسی اون اوچ اون دورد یاشیندا فیریلداق بیر اوغلانین تورونا دوشموشدور؛بو آز یاشلی آنا سوسیال شبکه لرده تانیش اولدوغو اوغلانین فئلینه اینانان کیمین حالال حارام بیلن آتاسی نین آبیرینان اوینامالی اولور؛قیز اوزونو بیلمه دن کبینیسیز کاغاذسیز اورک وئردیگی اوغلانا یاخین ناشیب اونونلا علاقه قورمالی قورمالی اولور؛قیز آتاسی ایشی باشا دوشن کیمین اوغلانی قیسناغا قویماغینان قیزینین قارنیندا کی اوشاغا صاحاب دورماغینی طلب ائله ییر؛اوغلان قوردوغو تله دن قورتارماغیچین هله لیک قیزجیقازینان ائولنمه لی اولور؛بو ائولی لیک آیبا آدلی قیزلارینین دونیایا گلمه گینه داوام ائله سه ده آز زامان کسگینده پوزومالی اولور؛آناسیز قیزجیقاز چاراسیزلیق دان بیر دونه آتا ائوینه قایدیب آنالیق شمادتی آلتیندا یاشامالی اولور؛قیزجیقازین فهله ایشله یین آتاسی اوز عایله سی نین ماییشینی یئتیرمه دن بیر گوناهسیز دونیایا گلن کورپه جیگینده خرجینی چکمه لی اولور؛قیزجیقاز یئتگین نیک یاشینا چاتمادان دونیایا گتیردیگی اوشاغین قایدینا قالاراق ائولرده ایشله مه گینن بالاسینی ایروزو گتیرمه لی اولور؛هر ایشین چتین نیگیاولان کیمین قیزجیقازین ائولرده ایشله مه گینه انگل لر تورتمه لی اولورلار؛گاهدان حالال چورک چیخارتماق ایسته یین قیزجیقازا آتاسی یاشدا کیشیلر یاخین ناشیب دئیینده کی ایکینجی آروادیم اول؛ دونیا باخدی چونموش قیزجیقازین باشینا دولانیر؛قیزجیقاز زامان گئدیشاتیندا یاشایشین ایری بوروق یوللارینا توش گلنده کورپه بالاسی آیبانی اوشاقلار ائوینی وئریب اوزونو قورتارماق فیکیرینه دوشور؛امما نه دئمک کی گوناهسیز دونیایا گتیردیگی آیبانین توش گلدیگی آجی طالئع نن اوزلشمه گینن راضیلاشا بیلمه ییردی؛آتالار دئمیشکن یئتیم بویویر اوزو قارالیق تانری یا قالار دئییه بو دونه آتالی آیبا یئتیمچه سینه بویومه لی اولور؛سونرالار درس اوخویوب طب باجیسی کیمین ایش دالیسینجا اولاندا باش کندین آدلیم خسته خانالاریندا بیرینده ایشه دوشمه لی اولور؛بو دونه مین نوصیبتینن عومور سورن آناسینین قایدینا قالان آیبا خانیم آختاریشیب آتاسینی دا تاپماق فیکیرینه دوشور؛امما نه دئمک کی هر زامان آناسی نین بوینونو قوجاقلاییب آتاسین نان خبر آلاندا یاناقلاری سولموش قادینین گوزلرینده نیفرت یارانمالی اولور؛زامان گئدیشاتیندا آیبا خانیم اولدوغو خسته خانادا طب باجیسی ایشله ییرک درسینی داوام ائله مه گینن بو دونه اختصاصلاشمیش حکیم کیمین فعالیته باشلاییر؛اوزون ایللرشرفلی بیر حکیم کیمین ایشینه داوام ائله دیکده همکلاری لارینان توتموش خسته خانا ایشچیلرینین یانیندا اعتبار قازانمالی اولور؛اوزو گولش لیگین گلن خسته لری قبول حکیم سون واقتلار خسته خانایا گتیریلمیش یئنی بیر خسته یه قایقی گوزترمه لی اولور؛آتالار دئمیشکن قان قانی چکن کیمین بیر گون قوجا آناسی نین الین نن یاپیشیب خسته نین باشی اوسته گتیرنده سوروشور بو منیم آآآآآآآآآ............

ساکیمیز 167................

دئییرم تانری هئچ بنده موسلمانی خویلو خانیم(حیات یولداشیم) کیمین آروادین الینه سالماسین؛اوتوز ایل ایت کیمین جان وئریب تقاعوده چیخان نان سونرادا اونون قورخوسون نان قیچ قولومو اوزادیب خارابمدا ایکی سانجاق تیرگک زاد چکه بیلمه ییرم؛هر گون اولدوغو کیمین ده بوگونده سیخ سانجاغیمی گوتوروب دوستوم شیرعلی نین باغ کومه سینه وارمالی اولدوم ؛ذیغ پالچیق ایچینده اوزومو باغین قاپیسینا چاتدیریب اوچ دورد یول قابی آغزیندا چاغیراراق ساناق داشیم شیره علی نین اوقاتینین تالخ اولدوغو نو گوردوم؛اوز اوزومه دئدیم بلکه منیم گونده لیک باغینا گلمه گیمه اوز گوز تورشاتماق ایسته ییر؛آغزی بورونومون سویو بیربیرینه قاریشان کیمین باغا گیرمه لی اولدوم؛ایچری کئچیب سوروشاندا کی ندن آغزینا ایت باشی آلمیسان؛ قانشارا چیخان دوستوم اوجا سسینن دئدی نه اولاجاق بئش آی اونجه دن ایشیق(برق)ایداره سینه موراجیعه ائله ییرک آدیما کونتور یازدیرمالی اولدوم؛یازی پوزو ائله یه نن آلتی نئچه میلیون بیله منن پول آلاراق نوبات گوزله مه لی اولدوم؛ائوه قایدان نان سونرا موشتولوق اولاراق حیات یولداشیما دئیینده کی ایللر اوزونو قاران نیقدا قالماغیمیزا باخمایاراق ایسلامی حکومت نهایت کی بیله میزه ایشیق وئردی؛آرواد بو یان اویانیما کئچه رک سوروشاندا کی ناققارتا اوده دین؛بوینومون دالینی قاشییا قاشییا دئدیم ناقابیل آلتی نئچه میلیون؛نوباتیمیز گئجیکن کیمین آروادینان بیرگه ایشیق ایداره سینه موراجعیه ائله ییب دئیینده کی بیزیم کونتور ناواقت گتیره جکسینیز؛ایداره ایشچی لرینین بیری دورد میلیون دا وئرسه نیز گتیره جه ییک سوزونو دئیینده بیر حکایه نی یادیما سالدی؛ سابیق بیزیم کتدیلر ییغیشیب پره یه گئده رک اورادا ایشلمک قرارینا گلیرلر؛بیر ایکی آی ایشله ییب آز چوخ پول پارا الده ائله ییرک آرخالیق آستاریندا زادیندا گیزلتمه لی اولورلار؛آرخالیق آستارینا واقت اولمایان نار ال ساکلارینا قویاراق یاستیق یانیندا زاددا گیزلتمه لی اولورلار؛قضوقدر گتیرن کیمین ایبیشی آدلی بیر آوارانتی سئید یان نارینا واریب جد مالی زاد طلب ائله مه گینن گوذاران ائله مک قرارینا گلیر؛؛جددینه قوربان اولدوغوم ایبیشی آلدیغی جد مالی ننان علاوه گاهدان ایشیچیلرین بیر بوجاغین آختاراراق پول پارالارینی جیبیتمالی اولور؛هرگون بیر کیمسه نین هاواری قوزان نان کیمین اوز آرالاریندا بو ایشی آراشدیرمالاری اولورلار؛جددینه قوربان اولدوغوم آغا بیر گون هایچی کاظیمین ساکینا ال اوزاداندا اوغورونون کیم اولدوغو آشکارا چیخیر؛هایچی کاظیم آغانین جددینن قورخسادا بیر گون آغاج گوتوروب بیله سینی اوزاقلاشدیرماق قرارینا گلیر؛جاماهت ییغیشیب هایچی کاظیما دئیینده کی ندن قؤورسان؛هایچی کاظیم اوجا سسینن دئییر اوغرو باشی نئچه گونده قالسا بیزیم...............

حمید آرشه مکتوب............

حمید آرشه مکتوب............

ائوی ییخیلمامیش یوخودادا من نن ال چکمه ییر باخ؛قارا باخت کیمین یوخوما گلنده اوزومه آچیلان گون بیله مه پیس باغیشلاییر؛پیس سوزو ایشلتمه گیم اوره گینه گلمه سین هااااااااا نجور اولسا بیز یئنی یئتمه گون نرینین یولداشی اولاراق قویون قوزو اوتاریب دانانی اوچوردوغوموز خان دره سی یادیما گلدی؛ سالاملار:

آرقاج(آرش)معللیم نئجه وارسان؛گئجه یوخوما گیردیگینه گوره ایسته دیم بیله کاغیذ یازیب او دونیادا ایشلرینین نئجه گئتدیگینن خبر آلیم؛اوردا نه خبر وار؛منه دِء گوروم قیل کورپوسونو نجور کئچدین؛اگر قیل کورپوسونو ساغ سالامات کئچدینسه نامه اعمالین نجور اولدو؛آخی بیلیرسن من سن نن اوترو نگران قالمیشام؛اوشاق واخدی او قدر اوزگه نین باغ باغاتینا گیریب دجل لیک ائله میسن کی قورخورام الله ائله مه میشدن بیله نی زیندان ائوینه یوخ یوخ باغیشلا چاشدیم تاموغا(جهنم)سالسین نار؛امما سن نگران اولما جهنمدده اولساندا گزیب بیله نی تاپاجاغام؛نجور اولسا بیز اوشاقلیق یولداشییق؛نه ایسه اوره گیم دئییر کی سن دئییب گولن آدام اولدوغونا قیل کورپوسونون باشیندا گوناهلارینا باخیلا نان سونرا بیر باشا اوجمانا گئتمیسن؛اگر اوجمانداسان داها اوزگه نین تویوغونا زادینا کیشده دئمه؛بیرده کی چالیش سود گولونون قیراغیندا چوبان یولداشین قالایچی مورتوضا یئر ساخلایاسان؛اللاه دئیین اولسا بیز ایکی یولداش دالا دال وئرسک اوجمانین الیسیز ایاقسیزلارینا مسکن مهر زاد دوزلتمه گینن گونده لیک ایشلتدیگی سو و ایشیغی(برق) دا پولسوز بیله لرینه چاتدیراجاییق؛اگر دوغولو.ب بویا باشا چاتدیغین ترس آوا کندینن سوروشاق شوکور اللاها هله ده وار محرم گون نری شاخئسی واخئسی عنعنه سی طمطراغینان برپا اولونور؛داها بیر سئویندیریجی خبر بوکو عسکرلریمیز قاراباغی دوشمان تاپداغینان قورتاردیرلار؛دده ددلیگیم شیخ آغادان خبر آلماق ایسته سن شوکورلر اولسون گون به گون قارینی یئکه لن کیمین بوینودا یوغون ناییر؛منده جانینان ایراق نئچه گون قاباق فتق عملیات ائله ییرک بوگون نر یاخشی لاشمیشام؛دئییرم اورمو گولونون قورودولما خبرینی ائشیدیب نایراحاند اوللارسان؛بودونه گولوموزو قوردان نار تبریزه تله قورسالاردا پیلان ناری توتمایاجاقدیر؛چونکو من قالایچی مورتوض اولاراق بوتون مچیددره ییغیشیب ایمام حسینه آغلایان قویون ناریمیزا امیر وئردیم کی گوز یاشلارینی قوروموش اورمو گولونه آخیتمالی اولسون نار؛دئییرم یاخشی ائله دین دونیانین داشین آتدین من قارا یازی بو خویلو خانیما دئیینده کی گل آداقلا بازلیق ائله ییک دوشومنن وورا وورا دئییر آداق بازلیق ندیر؛بیرده کی شوغلوززومه قالماییم سن نن آلدیغیم ال بورجو پولونو منه حالا ائله باخ؛آخی سنده اوشاق واخدی منیم ایتیم قولاغینی کسه رک دیلسیز آغیسیز حیوانی تای قولاق یاشاماغا معروض قویموشدون؛ایتین قولاغی نین یئرینه اوز قولاغیمی کسئیدین ایندی نئچه یول پولونو اوده ییب یاخامی قورتارمیشدیم؛سن بیلیرسن کی بیز چوبان نارین دوشمانی بورو(قورد)اولسادا تکجه دنه دوستوموز ایتدر اولمالیدیرلار؛؛سوزمون سونوندا اللریمی گویه قالدیراراق دئییرم هر یئرده وارسان اولو تانریم سنی شر شو.رای نگهبان نان گشت ایرشاددان سد معبر قولو چوماقلارینان آماندا ساخلاسین.........

حورمتله:ترس آوا کندینین قویون اوتارانی

قالایچی مورتوض