نئچه ایل اولاردی کی کود(کُند) باشلیلارینان ایت باشلیلارکند جاماهاتی آراسیندا قان توکمه داوا دوشوردو؛موسا پیغبر دورون نن قالمیش بو ایکی کندین داوالاری ساحه لرینده یئرله شن اورتاق دلیک داش ایمام زاداسی اولموشدور؛کوت باشلیلار ادعا ائله ییردیرلر کی آدی گئدن ایمام زادانین چوخ حیصه سی اونلارین اراضی سینده اولدوغونا او کنده عاید اولوب ایت باش کند جاماهاتی اورایا دسته زاد گتیریب باش دوش لرینه وورا بیلمزلر؛کئچن ایل داوالاشاندا اؤن آدام اولموش و قیرخ نفره یاخین قول قیچی سینان اولموشدور؛بیر دونه بو اسکی دن قالما داوالارینی آییرد ائله یه بیلمه ینده ایمامزادا قارشیسینا چکیلیب ووروشماغا حاضیرلیق ایشلری آپاریردیرلار؛بو خبر سوسیال شبکه لرده یایلان کیمین آتباش کندینین کاتداسی آراجیلیق آدینان بیر دونه دیرناق چالیب ایکی کندین جاماهاتینی قیزیشدیراراق بیربیرلرینین جانینا سالمالی اولور؛بو دونه قان نی قارشی دورما باش وئررک ایکی کندین جاماهاتی بیربیرلرینین جانینادوشمه لی اولورلار؛داوا قیزیشان کیمین دونیالیق میللت در تشکیلات بیرلیگینین(سازمان ملل)باش رئیسی کدو باش کیشی ایشه قاتیلان کیمین قولتوغوندا اسکی پارادان توتموش خئیلک یاغلی قارا گتیریب قیراغدان باخمالی اولور؛من اورت باسدیر ماحالی نین موعتبرآغ ساققالی آراچیلیق ائله مک آدینان قاباغا کئچیب شر شبئیی یاتیرتماق ایسته ینده بیر دونه قیراغیدان نیظارتچی اولان آت باش کند کاتداسی ورینن نن هویلانیب گئری یه چکیلمه لی اولدوم؛اوزومو باسا بیلمه یین کیمین بو دونه میللتدر تشکیلات بیرلیگی نین(سازمان ملل)باش رئیسی کدو باش جانابلارینا یاخین ناشاراق دئدیم هئچ اولماسا سیز آراچیلیق ائله ییرک بو دونه قان توکمه نین قاباغینی آلاسینیز؛کدو باش کیشی بوینون اَیه اَیه قولتوغوندا گتیردیگی اسکی پارانی گوزتریب دئدی من داوا دالاش سونرا تکجه یاغلی قارا دوزلده بیللم؛ایکی کند جاماهاتی بو حاققینان باطیل آراسیندا باش وئرن داوایا سوخولوب بیربیرلرینین باش گوزلرینی ازه رک شیلی شوققا ائله ینده بیر اوندا گؤردوم آت باش کندینین کاتداسی وای انسان حاقلاری دئییه دئییه ایمازادینین پولوپاراسینی گوتوروب آرادان چیخماق ایسته ییر؛قاپیدان چیخاندا پول تورباسینی چین نن آلاراق اوجا سسینن دئدیم الی آتم سیلاحینین ماشیسیندا اولان نار دونیالیق انسان حاقلارین نان دانیشا بیلمز........... ________________________________________ کوت(کُند)باش کند جاماهاتی

ایت باش کند جاماهاتی

تالان نان دلیک داش ایمامزاداسی

آت باش کندینین کاتداسی

کدو باش دونیالیق میللتد در تشکیلاتینین باش رئیسی